Ծառուկյան – Մախաչև մենամարտը չի կայանա 📸

UFC-ի թեթև քաշային կարգի դասակարգման աղյուսակի առաջատար Արման Ծառուկյանի եղբայրը` Արթուր Ծառուկյանը, սոցցանցերում գրառում է արել և հայտնել, որ Իսլամ Մախաչևի դեմ մենամարտը չի կայանա։

Պատճառը` հայ մարտիկի վնասվածքն է.

«Ցավոք, ստիպված ենք չմասնակցել մենամարտին` կապված Արմանի վնասվածքի հետ։ Նա վնասվածքն ստացել է կիլոգրամներ գցելու պատճառով, այդ պատճառով ստիպված ենք նման ծանր որոշում կայացնել։ Ցանկանում ենք ներողություն խնդրել մենամարտին սպասող բոլոր երկրպագուներից։ Մեզ համար սա պետք է ավելին լիներ, քան մենամարտը»,- գրել է Արթուր Ծառուկյանը։

Հիշեցնենք, որ Ծառուկյանը թեթև քաշային կարգի գործող չեմպիոն Մախաչևի դեմ պետք է մենամարտեր հունվարի 19-ին UFC-311 մրցաշարում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից