Խորվաթիայի հավաքականը հայերենով ողջունել է Հայաստանին 📸

Եվրո-2024-ի որակավորման փուլի 6-րդ տուրում Հայաստանի հավաքականը D խմբի շրջանակում սեփական հարկի տակ կմրցի Խորվաթիայի ընտրանու դեմ։

Խորվաթիայի հավաքականն արդեն ժամանել է Երևան։

«Շախմատայինների» մամուլի ծառայությունը X-ի պաշտոնական միկրոբլոգում գրառում է կատարել և հայերենով ողջունել Հայաստանի հավաքականին։

Նշենք, որ ի պատասխան դրան, Հայաստանի ֆուտբոլի ֆեդերացիան էլ մրցակցին ողջունել է խորվաթերենով։

Հավելենք, որ Հայաստան – Խորվաթիա հանդիպումը կկայանա սեպտեմբերի 11-ին` Երևանի ժամանակով 20:00-ից սկսած։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am