Խմբային փուլից 5 պակաս. մենք ձեր կողքին ենք, տղե՛րք
22:00. «Դյուդելանժ» (Լյուքսեմբուրգ) – «Արարատ-Արմենիա» (ՀԱՅԱՍՏԱՆ)
Այսօր՝ օգոստոսի 29-ին կկայանա Հայաստանի նորանկախ պատմության ակումբային ֆուտբոլի ամենակարևոր հանդիպումը: «Արարատ-Արմենիան», որն արդեն իսկ պատմություն է կերտել, փառահեղ նվաճման շեմին է:
Այսօր Վարդան Մինասյանը և իր ֆուտբոլիստները կռիվ են տալու դաշտում, այլ տարբերակ ուղղակի չկա: Ամեն գնով պետք է դրական արդյունքի հասնել և հայկական ֆուտբոլը թռիչքային քայլով առաջ տանել:
Արժանին պետք է մատուցել FAF շարժմանը. տղերքն այսօր Լյուքսեմբուրգում են լինելու և տեղում աջակցելու են մեր չեմպիոնին:
Բոլորս Հայաստանում, Սփյուռքում պետք է հեռակա կերպով լինենք «Արարատ-Արմենիայի» կողքին, որովհետև նրանք այսօր հայոց եռագույնի համար ամեն ինչ անելու են:
Հանդիպումը ցուցադրվելու է Առաջին ալիքի ուղիղ եթերում. հղումը կլինի նաև մեր կայքում:
# Արարատ-Արմենիա, Եվրոպա-լիգա