Խենթ Գվարդիոլա! Պեպը խնջույքի ժամանակ սիգար է ծխում և կատարում «Oasis»-ի երգերից մեկը 🎥
Թվում է՝ «Մանչեսթեր Սիթիի» գլխավոր մարզիչ Պեպ Գվարդիոլան անչափ խիստ մարդ է։ Համենայն դեպս, այդպիսի տպավորություն ստեղծվում է, երբ դիտում ես «Սիթիի» մասնակցությամբ հանդիպումները, սակայն մայիսի 18-ին համացանցում մի տեսանյութ տարածվեց, որը ցնցեց ողջ աշխարհը։
Բանն այն է, որ «Մանչեսթեր Սիթիի» ֆուտբոլիստները, մարզչական շտաբը և ակումբի այլ աշխատակիցներ նշել են Պրեմիեր լիգայի հերթական չեմպիոնությունը։
Այդ խնջույքից մի տեսանյութ է հրապարակվել, որտեղ 50-ամյա մասնագետը սիգար է ծխում և երգում բրիտանական աշխարհահռչակ «Oasis» ռոք խմբի «Don’t Look Back in Anger» երգը։ Տեսանյութն ընդամենը 11 ժամում հավաքել է արդեն 4․2 մլն դիտում։
Հայտնի է, որ «Oasis» խմբի մենակատար մենակատար Լիամ Գալահերը և նրա եղբայր, խմբի կիթառահար Նոել Գալահերը ծնունդով Մանչեսթերից են և վաղուց երկրպագում են «Մանչեսթեր Սիթիին»։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ․Գ․Գ․ տեսանյութը՝ Twitter-ի Raff օգտատիրոջ