Խավի. «Ռեալին սեփական հարկի տակ հաղթելը կենսական նշանակություն ունի»

Իսպանական Լա լիգայի 10-րդ տուրում «Բարսելոնան» սեփական հարկի տակ 1:0 հաշվով հաղթեց «Ատլետիկ Բիլբաոյին»։

Հանդիպումից հետո իր տպավորություններով է կիսվել «բլաուգրանայի» գլխավոր մարզիչ Խավին` խոսելով նաև «Ռեալ Մադրիդի» դեմ կայանալիք առաջիկա Էլ Կլասիկոյի մասին.

«Ծանր հաղթանակ էր։ Գիտեինք, որ «Ատլետիկը» բարդ և խիզախ մրցակից է, սակայն Մարկ Գիյուն վճռեց հանդիպման ելքը։ Ես ուրախ եմ նրա համար։

Գիտեինք «Ատլետիկի» պրեսինգի մասին։ Բարձր պաշտպանողական գիծ էինք սպասում, ինչի շնորհիվ նրանք բազմաթիվ մենապայքարներ են հաղթում։ Մրցակցի ֆուտբոլիստները լավ էին աշխատում, սակայն եթե որևէ մեկն արժանի էր հաղթանակի, դա «Բարսան» էր։

Մտածում էի Մարկին դաշտ դուրս բերելու մասին, քանի որ նա գոլային հոտառություն ունի ունի։ Բացի այդ, ինձ դուր են գալիս նաև նրա մարդկային որակները։

Որևէ խնդիր չեմ տեսնում երիտասարդական թիմի ֆուտբոլիստներով կազմն ուժեղացնելու հարցում։ Ընդհակառակը, նրանց մոտ տեսնում եմ նույն վստահությունը, որը ես ունեի 17-18 տարեկանում։

Զարմացած եմ, որ նրանք չեն վախենում։ Նրանց խաղում կայծ եմ տեսնում։ Նրանք նայում են աչքերիս և ասում. «Ինձ դաշտ դուրս բեր և կտեսնես, որ ամեն ինչ լավ է լինում»։ Ես այդ ամենը տեսել եմ Բալդեի, Գավիի, Յամալի և Ֆերմինի, իսկ այժմ նաև` Մարկի մոտ։ Նա, միանշանակ, վախեցած չէր։

Կլասիկոն մեզ համար շատ կարևոր հանդիպում է, սակայն մինչ այդ Չեմպիոնների լիգա ունենք, իսկ մեր կազմում բազմաթիվ վնասվածք ունեցող ֆուտբոլիստներ կան։

«Ատլետիկի» դեմ խաղում մենք տիտանական ջանքեր գործադրեցինք` «Ռեալին» երկու միավորով մոտենալու համար։ «Ռեալին» սեփական հարկի տակ հաղթելը կենսական նշանակություն ունի»,- Խավիի խոսքերը մեջբերում է Marca-ն։

Հավելենք, որ «Բարսելոնա» – «Ռեալ Մադրիդ» հանդիպումը կկայանա հոկտեմբերի 28-ին` Երևանի ժամանակով 18:15-ից սկսած։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am