Խամես Ռոդրիգեսի գոլը տուգանայինի իրացումից հետո🎥

Քաթարի Աստղերի լիգայի 13-րդ տուրի շրջանակում «Ալ Ռայանը» սեփական հարկի տակ 3:0 հաշվով վստահ հաղթանակ տոնեց «Ալ Վաքրայի» նկատմամբ։

Հանդիպման հերոս դարձավ տանտերերի կիսապաշտպան Խամես Ռոդրիգեսը, ով իր անվան դիմաց դուբլ գրանցեց, մեկ անգամ էլ աչքի ընկավ Շոջա Հոլիզադեն։

Հատկապես գեղեցիկ ստացվեց Խամեսի երկրորդ գնդակը, ով կոլումբացի կիսապաշտպանը գոլի հեղինակ դարձավ տուգանայինի իրացումից հետո։

Նշենք, որ 30-ամյա կիսապաշտպանը Քաթարի Աստղերի լիգայի ընթացիկ մրցշարջանում անցկացրած 7 խաղում դարձել է 3 գոլի և 4 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am