Խամեսը փայլում է. Կոլումբիան հաղթեց Արգենտինային 🎥
Աշխարհի 2026 թ. առաջնության Հարավային Ամերիկայի գոտու որակավորման փուլի 8-րդ տուրի կենտրոնական խաղում Կոլուլբիայի ազգային հավաքականը Բարանկիլիայում ընդունեց Արգենտինայի թիմին։
Լարված ու համառ պայքարում անցած խաղում կոլումբացիները հաղթեցին 2:1 հաշվով։
«Լոս կաֆետերոսից» կրկին փայլեց թիմի ավագ ու առաջատար Խամես Ռոդրիգեսը, որը դարձավ գոլի ու գոլային փոխանցման հեղինակ։
33-ամյա կիսապաշտպանը նախ 25-րդ րոպեին օգնեց աչքի ընկնել Յերսոն Մոսկերային, ապա 60-րդ րոպեին դիպուկ իրացրեց 11-մետրանոցն ու հաղթանակ պարգևեց իր թիմին։
«Ալբիսելեստեից» 49-րդ րոպեին աչքի ընկավ Նիկոլաս Գոնսալեսը։
Նեստոր Լորենցոյի գլխավորած հավաքականը վաստակեց 16 միավոր և Հարավային Ամերիկայի գոտու որակավորման փուլում բարձրացավ երկրորդ տեղ։ Աշխարհի գործող չեմպիոն Արգենտինան 18 միավորով մրցաշարային աղյուսակի առաջատարն է։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am