Լևանդովսկին իր ոճի մեջ էր. Բավարիան ջախջախեց Քյոլնին🎥

Գերմանական Բունդեսլիգայի 19-րդ տուրում ընթացիկ մրցաշրջանի առաջատար «Բավարիան» հյուրընկալվելիս մրցեց «Քյոլնի» դեմ։

Մյունխենյան ակումբը որևէ հնարավորություն չտվեց մրցակցին ու ջախջախեց 4:0 հաշվով։

հանդիպման հերոս դարձավ Ռոբերտ Լևանդովակին, ով իր անվան դիմաց հեթ-տրիկ գրանցեց, մեկ անգամ էլ աչքի ընկավ Կորենտեն Տոլիսոն։

Լեհ հարձակվողը Բունդեսլիգայի ընթացիկ մրցաշրջանում անցկացրած 19 խաղում խփել է արդեն 23 գոլ և շարունակում է վստահ գլխավորել առաջնության լավագույն ռմբարկուների ցուցակը։

Հավելենք, որ այս խաղում երկու գոլային փոխանցում կատարեց Թոմաս Մյուլլերը, ով Բունդեսլիգայի շրջանակում անցկացրած 19 խաղում դարձել է 16 ասիստի հեղինակ և այս ցուցանիշով լավագույնն է Բունդեսլիգայում։

Այս հաղթանակից հետո Յուլիան Նագելսմանի թիմը վաստակեց 46 միավոր և գլխավորում է Բունդեսլիգայի մրցաշարային աղյուսակը։

«Քյոլնը», 28 միավորով, 8-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am