Լևանդովսկին գերազանցել է Մեսիի ֆանտաստիկ ռեկորդը 📸

«Բարսելոնայի» հարձակվող Ռոբերտ Լևանդովսկին «Նյուքասլի» դեմ Չեմպիոնների լիգայի 1/8 եզրափակիչի պատասխան խաղում (7:2) դուբլ գրանցեց` գերազանցելով կատալոնական ակումբի լեգենդար, նախկին ավագ Լիոնել Մեսիի ռեկորդը։

«Նյուքասլը» 41-րդ ակումբն է, որի դարպասը լեհ ֆուտբոլիստը գրավել է Չեմպիոնների լիգայում։ Դա մրցաշարի պատմության մեջ լավագույն ցուցանիշն է։

«Ոսկե գնդակի» 8-ակի դափնեկիր Մեսին եվրագավաթային գլխավոր մրցաշարում աչքի է ընկել 40 տարբեր ակումբների դեմ խաղում։

Այդ ցուցանիշով երկրորդ ցուցանիշն ունի Կրիշտիանու Ռոնալդուն, որը գոլ է խփել 38 տարբեր ակումբների դեմ խաղում։

Լևանդովսկին Չեմպիոնների լիգայում 142 խաղում խփել է 109 գոլ, կատարել 27 ասիստ։ 37-ամյա հարձակվողն ամենահեղինակավոր մրցաշարի պատմության մեջ երրորդ լավագույն ռմբարկուն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml