Լուկակուն հետաքրքրում է Յուվենտուսին

Լրագրող Ջանլուկա դի Մարցիոն հայտնում է, որ «Յուվենտուսը» կարող է ձեռք բերել «Մանչեսթեր Յունայթեդի» հարձակվող Ռոմելու Լուկակուին:

26-ամյա հարձակվողին ձեռք բերելու գլխավոր հավակնորդը «Ինտերն» է, սակայն ֆուտբոլիստը հետաքրքրում է թուրինյան ակումբի սպորտային գծով տնօրեն Ֆաբիո Պարատիչիին:

«Յուվենտուսը» դեռ կոնկրետ քայլեր չի ձեռնարկել Լուկակույի տրանսֆրի համար: Հնարավոր է դա միլանցի մրցակիցների գործը բարդացնելու փորձ է:

Ավելի վաղ հայտնի էր դարձել, որ թուրինցիները հետաքրքրվում են «Ինտերի» հարձակվող Մաուրո Իկարդիով և պատրաստ են նրան վճարել տարեկան 8 մլն եվրո աշխատավարձ, իսկ միլանյան ակումբը ֆուտբոլիստի համար պահանջում է 60 մլն եվրո: