Լոկոմոտիվը սահմանել է Տիկնիզյանի հրաժարագինը

Ինչպես տեղեկացնում է ինսայդեր Իվան Կարպովը, «Լոկոմոտիվի» եզրային պաշտպան Նաիր Տիկնիզյանի ծառայություններով, բացի եվրոպական ակումբներից, սկսել է հետաքրքրվել նաև «Զենիթը»։

Աղբյուրի փոխանցմամբ` Սանկտ Պետերբուրգը ներկայացնող ակումբը փոխարինող է փնտրում Դանիլ Կրուգովոյի համար, ով 2024 թ. ամռանն ազատ գործակալի կարգավիճակում տեղափոխվելու է ԲԿՄԱ։

Հաղորդվում է, որ Տիկնիզյանը նույնպես հայտնվել է «Զենիթի» short-list-ում, ում վաճառքից «Լոկոմոտիվը» ցանկանում է վաստակել 10-12 մլն եվրո։

Այդուհանդերձ, նշվում է, որ «Զենիթը» դեռևս չի շտապում որոշում կայացնելու հարցում։

«Զենիթը», բացի Տիկնիզյանից, հետաքրքրված է նաև մի շարք այլ լատերալների ծառայություններով, որոնք կարող են ավելի մատչելի արժենալ ակումբի համար։

Հիշեցնենք` ավելի վաղ կային տեղեկություններ, որ Նաիր Տիկնիզյանին ընթացիկ ձմեռային տրանսֆերային պատուհանի ժամանակ իրենց շարքերում են ցանկացել տեսնել «Բոլոնիան», «Լացիոն» և «Սևիլիան»։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am