Լիվերպուլը շարունակում է մնալ բարձունքում` հաղթելով Ասթոն Վիլային 🎥

Անգլիական Պրեմիեր լիգայի 11-րդ տուրում «Լիվերպուլը» տնային խաղում մրցեց «Ասթոն Վիլայի» դեմ։

Համառ խաղում մերսիսայդյան ակումբը կարողացավ առավելության հասնել 2:0 հաշվով։

Արնե Սլոթի գլխավորած թիմից հերթական տպավորիչ հանդիպումն անցկացրեց Մոհամեդ Սալահը, որը դարձավ գոլի և գոլային փոխանցման հեղինակ։ Եգիպտոսցի ֆուտբոլիստը Պրեմիեր լիգայի ընթացիկ մրցաշրջանում 11 խաղում խփել է 8 գոլ, կատարել 6 արդյունավետ փոխանցում։

Տանտերերից մեկ գոլ էլ խփեց Դարվին Նունյեսը։

«Լիվերպուլն» այս հաղթանակից հետո վաստակեց 28 միավոր և շարունակում է վստահ գլխավորել մրցաշարային աղյուսակը։ «Ասթոն Վիլան» 18 միավորով 8-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից