Լիվերպուլն անհավանական ֆուտբոլ է ցույց տալ` թրիլերային խաղում հաղթելով Տոտենհեմին 🎥

Անգլիական Պրեմիեր լիգայի 17-րդ տուրում «Լիվերպուլը» մրցակցի դաշտում մրցեց «Տոտոնհեմի» դեմ։

Ակումբներն իսկական ներկայացում էին պատրաստել. «Լիվերպուլը» գերգոլառատ պայքարում հաղթեց 6:3 հաշվով։

Մերսիսայդյան ակումբից հերթական ֆանտաստիկ հանդիպումն անցկացրեց թիմի առաջատար Մոհամեդ Սալահը, որը դարձավ երկու գոլի ու երկու ասիստի հեղինակ։ Եգիպտոսցի վինգերն Անգլիայի ընթացիկ առաջնությունում խփել է արդեն 15 գոլ ու կատարել 11 ասիստ։ Նա գլխավորեց ինչպես լավագույն ռմբարկուների, այնպես էլ լավագույն ասիստներների ցուցակը։

Արնե Սլոթի գլխավորած թիմից դուբլ գրանցեց նաև Լուիս Դիասը, իսկ Ալեքսիս Մաքալիսթերն ու Դոմինիկ Սոբոսլայը մեկական գոլ խփեցին։ «Տոտենհեմից» աչքի ընկան Ջեյմս Մեդիսոնը, Դեյան Կուլուսևսկին ու Դոմինիկ Սոլանկեն։

«Լիվերպուլը» վաստակեց 39 միավոր և շարունակում է զբաղեցնել առաջին տեղը։ «Կարմիները» մոտակա հետապնդող «Չելսիին» գերազանցում են արդեն 4 միավորով, նաև մեկ հանդիպում քիչ են անցկացրել։ «Տոտենհեմը» 23 միավորով 11-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից