Լիվերպուլի նախկին կիսապաշտպանն ասել է, թե ում է ցանկանում ձեռք բերել Զիդանը

«Լիվերպուլի» նախկին կիսապաշտպան Մոհամեդ Սիսոկոն պատմել է այն մասին, որ «Ռեալի» գլխավոր մարզիչ Զինեդին Զիդանը հետաքրքրված է «Մանչեսթեր Յունայթեդի» կիսապաշտպան Պոլ Պոգբայի, ինչպես նաև «Լիվերպուլի» վինգեր Սադիո Մանեի ծառայություններով․

«Սալահը «Ռեալո՞ւմ»։ Ո՛չ։ Կարծում եմ՝ Մանեն կհայտնվի «Ռեալում», քանի որ նա ավելի որակյալ խաղացող է։ Նա ունի այն որակները, որոնք անհրաժեշտ են Զիդանին։

Գիտեմ նաև, որ Զիդանը «Ռեալում» ցանկանում է տեսնել Պոլ Պոգբային, սակայն Պոգբան նախընտրում է վերադառնալ «Յուվենտուս»։ Այս իրավիճակում շատ բան կախված է ոչ միայն Պոգբայից, այլև «Մանչեսթեր Յունայթեդից»։ Պոգբան պետք է գտնի այնպիսի ակումբ, որը կստիպի նրան զգալ ավելի կարևոր, որպեսզի կարողանա կրկին հանդես գալ բարձր մակարդակով»,- Սիսոկոյի խոսքերը մեջբերում է The Independent-ը։