Լիվերպուլի դժվարին հաղթանակը Լեսթերի նկատմամբ․ ծեծկռտուք խաղավարտին  ?

Լիվերպուլի դժվարին հաղթանակը Լեսթերի նկատմամբ․ ծեծկռտուք խաղավարտին ?

06/10/2019 - 11:04

Անգլական Պրեմիեր լիգայի 8-րդ տուրի շրջանակներում առաջատար «Լիվերպուլը» սեփական հարկի տակ ընդունել էր 4-րդ հորիզոնականում գտնվող «Լեսթերին»։

Հանդիպման հաշիվը բացվեց 40-րդ րոպեին։ Տանտերերի կիսապաշտպան Ջեյմս Միլների փոխանցումից հետո գոլի հեղինակ դարձավ Սադիո Մանեն։

Չնայած «Լիվերպուլի» առավելությանը, 80-րդ րոպեին «Լեսթերի» կիսապաշտպան Ջեյմս Մեդիսոնին հաջողվեց հավասարեցնել հաշիվը։ Երբ թվում էր, թե հանդիպումն այդպես էլ կավարտվի, մրցավարի կողմից ավելացված 4-րդ րոպեին նույն Սադիո Մանեն 11 մետրանոց հարված վաստակեց իր թիմի համար, որն էլ անվրեպ իրացրեց Ջեյմս Միլները՝ 8-րդ անընդմեջ հաղթանակը պարգևելով մերսիսայդյան ակումբին։

Մրցավարի եզրափակիչ սուլիչից հետո երկու թիմերի մասնակցությամբ զանգվածային ծեծկռտուք է սկսվել, որին ակտիվորեն մասնակցել է հյուրերի կիսապաշտպան Այոսե Պերեսը։

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023