«Լիվերպուլը» չեմպիոնական բնավորություն է ցույց տալիս` 90+1-րդ րոպեին հաղթանակ կորզելով «Բրենթֆորդից» 🎥

Անգլիական Պրեմիեր լիգայի 22-րդ տուրում «Լիվերպուլը» Լոնդոնում հյուրընկալվելիս մրցեց «Բրենթֆորդի» դեմ։

Մերսիսայդյան գրանդը գրեթե ամբողջ հանդիպման ընթացքում ուներ տոտալ առավելություն, կատարեց 35 հարված, 6-ը` դիպուկ, սակայն մինչև խաղավերջ չէր կարողանում հաղթանակ կորզել։

Թվում էր, թե Արնե Սլոթի գլխավորած թիմը թանկարժեք միավորներ կկորցնի, սակայն այդ սցենարի հետ համաձայն չէր փոխարինման դուրս եկած ուրուգվայցի հարձակվող Դարվին Նունյեսը, որը 90+1-րդ ու 90+3-րոպեին երկու գոլ խփեց, դուբլ գրանցեց ու անչափ կարևոր հաղթանակ պարգևեց «Լիվերպուլին»։

Այսպիսով, «կարմիրները» հաղթեցին 2:0 հաշվով, միավորների քանակը հասցրին 50-ի ու գլխավորում է մրցաշարային աղյուսակը, «Բրենթֆորդը» 28 միավորվ 11-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից