Լիվերպուլը հաղթեց Լեսթերին և 7 միավորով գերազանցում է մոտակա հետապնդող Չելսիին 🎥

27/12/2024 - 10:35

Անգլիական Պրեմիեր լիգայի 18-րդ տուրում «Լիվերպուլը» «Էնֆիլդ Ռոուդ» մարզադաշտում մրցեց «Լեսթերի» դեմ։

Հանդիպումը բավական անսպասելի մեկնարկ ունեցավ, քանի որ արդեն 6-րդ րոպեին «աղվեսներին» առաջ մղեց Ջորդան Այուն։

Հետագայում մերսիսայդյան ակումբն ուներ խաղային ու տարածքային խաղային լուրջ առավելություն` 3:1 հաշվով տանելով կամային հաղթանակ։

Արնե Սլոթի գլխավորած թիմից գոլերը խփեցին Կոդի Գակպոն, Կյորտիս Ջոնսն ու Մոհամեդ Սալահը։ Վերջինս 16 գոլով լավագույն ռմբարկուների ցուցակի առաջատարն է։

«Լիվերպուլը» միավորների քանակը հասցրեց 42-ի և գլխավորում է մրցաշարային աղյուսակը։ «Կարմիրները» մոտակա հետապնդող «Չելսիին» գերազանցում են արդեն 7 միավորով և մեկ հանդիպում էլ քիչ են անցկացրել։ «Լեսթերը» 14 միավորով 18-րդ տեղում է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից

# ԱՊԼ, Արնե Սլոտ, Լեսթեր, Լիվերպուլ, Կյորտիս Ջոնս, Կոդի Գակպո, Մոհամեդ Սալահ, Չելսի, Ջորդան Այու