Լեոնարդո Բոնուչին շուտով նոր ակումբ կունենա

«Յուվենտուսի» կենտրոնական պաշտպան Լեոնարդո Բոնուչին կարիերան կշարունակի «Ունիոն Բեռլինի» կազմում։

Ինչպես տեղեկացնում է ինսայդեր Ֆաբրիցիո Ռոմանոն, կողմերը գործարքի հարցում հասել են վերջնական համաձայնության։

36-ամյա ֆուտբոլիստը «Ունիոնի» հետ պայմանագիրը կնքելու է մինչև 2024 թ. հունիսի 30-ը, որն ունենալու է այն ևս մեկ տարով երկարաձգելու հնարավորություն։

Գործարքի ֆինանսական մանրամասները չեն հաղորդվում։

Նշվում է, որ վետերան ֆուտբոլիստն արդեն այսօր` օգոստոսի 31-ին, կմեկնի Բեռլին, որտեղ բուժզննում կանցնի նոր ակումբի համար։

Ռոմանոն հաստատում է, որ Բոնուչիի ընտրության հարցում կարևոր նշանակություն է ունեցել, որ «Ունիոն Բեռլինը» մասնակցելու է Չեմպիոնների լիգայի 2023/24 խաղարկության խմբային փուլին։

Հիշեցնենք, որ Լեոնարդո Բոնուչին «Յուվենտուսի» կազմում հանդես է եկել 2010-17 և 2018-23 թթ.` անցկացրած 502 խաղում դառնալով 37 գոլի և 10 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am