Լեգենդար Պանդև! 37-ամյա հարձակվողը տպավորիչ ցուցանիշ է գրանցել Եվրոների շրջանակում
14/06/2021 - 00:21
Եվրո-2020-ի C խմբի շրջանակում Հյուսիսային Մակեդոնիայի հավաքականը 1:3 հաշվով զիջել է Ավստրիայի ընտրանուն։
Հյուսիսմակեդոնացիների միակ գոլը հանդիպման 28-րդ րոպեին խփել է 37-ամյա հարձակվող Գորան Պանդևը։
Ինչպես տեեկացնում է OptaJoe-ն, այդ գոլի շնորհիվ Պանդևը դարձել է Եվրոների շրջանակում երբևէ գոլի հեղինակ դարձած երկրորդ ամենատարեց ֆուտբոլիստը։
Պանդևն Ավստրիայի դարպասը գրավել է 37 տարեկան և 321 օրական հասակում։ Վետերան հարձակվողը զիջում է միայն ավստրիացի հարձակվող Իվիցա Վաստիչին, ով Եվրո-2008-ի շրջանակում Լեհաստանի դեմ խաղում գոլի հեղինակ դարձել է 38 տարեկան և 257 օրական հասակում։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
# Ավստրիայի հավաքական, Գորան Պանդև, Եվրո-2008, ԵՎՐՈ-2020, Իվիցա Վաստիչ, Հյուսիսային Մակեդոնիայի հավաքական