Լա լիգան նոր հերոս ունի․ Ռեալ Սոսիեդադը վստահորեն ընթանում է առաջ🎥

Իսպանական Լա լիգայի 10-րդ տուրի շրջանակում առաջնության առաջատար «Ռեալ Սոսիեդադը» հյուրընկալվել էր «Կադիսին»։

Բասկյան ակումբը գրեթե ողջ խաղի ընթացքում ուներ տոտալ առավելություն, սակայն միայն 66-րդ րոպեին հաջողվեց խփել հաղթական գնդակը, որի հեղինակը դարձավ Ալեքսանդր Իսակը։

Իմանոլ Ալգուասիլի սաները պարզապես ֆանտաստիկ են մեկնարկել ընթացիկ մրցաշրջանը և տոնում են արդեն 6-րդ անընդմեջ հաղթանակը։ Սան Սեբաստիանը ներկայացնող ակումբը վաստակել է 23 միավոր և գլխավորում է Լա լիգայի մրցաշարային աղյուսակը՝ մոտակա հետապնդող «Ատլետիկոյին» գերազանցելով 3 միավոր, սակայն, մադրիդյան ակումբը երկու հանդիպում պակաս է անցկացրել և կորցրած միավորներով հենց նա է առաջատարը։ «Կադիսը» 14 միավորով 5-րդն է։