Լարված ֆուտբոլ Երևանում. Հայաստանն ու Ուելսը չպարզեցին հաղթողին 🎥

Եվրո-2024-ի որակավորման փուլի 9-րդ տուրում Հայաստանի հավաքականը D խմբի շրջանակում Երևանի Վազգեն Սարգսյանի անվան «Հանրապետական» մարզադաշտում մրցեց Ուելսի ընտրանու դեմ։

Առաջ ընկնելով` նշենք, որ հանդիպումն անցավ անչափ լարված և փոխնիփոխ գրոհների ներքո, սակայն կողմերին վիճակված չէր պարզել հաղթողին. գրանցվեց 1:1 հաշիվը։

Ալեքսանդր Պետրակովի թիմից 6-րդ րոպեին հաշիվը բացեց Լուկաս Սելարայանը, իսկ «վիշապների» գնդակը 45+2-րդ րոպեին, որպես ինքնագոլ, գրանցվեց Նաիր Թիկնիզյանի անվան դիմաց։

D խմբում կկայանա ևս մեկ հանդիպում.

Լատվիա – Խորվաթիա

Այժմ խմբի մրցաշարային աղյուսակն ունի հետևյալ տեսքը.

1. Թուրքիա (անցկացրած 7 խաղ) – 16 միավոտ
2. Ուելս (անցկացրած 7 խաղ) – 11
3. Խորվաթիա (անցկացրած 6 խաղ) – 10
4. Հայաստան (անցկացրած 7 խաղ) – 8
5. Լատվիա (անցկացրած 6 խաղ) – 3

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am