Լատվիայի հավաքականի հայտացուցակը Հայաստանի և Թուրքիայի դեմ կայանալիք հանդիպումների համար

Լատվիայի ֆուտբոլի ֆեդերացիայի պաշտոնական կայքում հրապարակվել է այն ֆուտբոլիստների ցանկը, ովքեր հրավիրվել են` մասնակցելու առաջիկա հանդիպումներին։

Լատվիայի հավաքականի գլխավոր մարզիչ Դայնիս Կազակևիչը հրավիրել է հետևյալ ֆուտբոլիստներին.

Դարպասապահներ – Ռիհարդ Մատրևից, Նիլս Պուրինս (երկուսն էլ` «Ռիգա»), Ռոբերտ Օզոլս («Աուդա»)

Պաշտպաններ – Կասպար Դուբրա («Պանավեժիս», Լիտվա), Ռոբերտ Սավալնիեկս, Մարչիս Օշ, Վլադիսլավ Սորոկին (բոլորը` ՌՖՇ), Անտոնի Չերնոմորդնի, Կիրիլ Իլյին (երկուսն էլ` «Ռիգա»), Դանիել Բալոդի, Մաքսիմ Տոնիշև (երկուսն էլ` «Վալմիերա»)

Կիսապաշտպաններ – Յանիս Իկաունիելս, Դմիտրի Զելենկով (երկուսն էլ`ՌՖՇ), Դավիս Իկաունիեկս («Յաբլոնեց», Չեխիա), Անդրեյ Ցիգանիկ («Վիձև Լոձ», Լեհաստան), Ալվիս Յաունզեմս («Ստալ», Լեհաստան), Էդուարդ Էմսիս («Ռյոուֆոս», Նորվեգիա), Քրիստերս Տոբերս («Գրասհոպերս», Շվեյցարիա), Ալեքսեյ Սավելև («Աուդա»), Էդուարդ Դաշկևիչ («Ռիգա»), Օսկար Վիենտիես («Մետա»), Բոգդան Սոմոլյով («Տուկումս 2000»)

Հարձակվողներ – Ռոբերտ Ուլդրիկիս («Կամբյուր», Նիդեռլանդներ), Ռայմոնդ Կրոլիս («Սպեցիա», Իտալիա), Մարկո Ռեգժա («Ռիգա»)

Նշենք, որ 2023 թ. մարտին Երևանում Հայաստանի հավաքականի դեմ կայացած հանդիպման համեմատ` Լատվիայի հայտացուցակից բացակայում են Անդրիս Յարկովսկիսը («Ռիգա»), Էլվիս Ստուգուլիսը (ՌՖՇ), Դենիս Մելնիկսը («Աուդա») և հարավկորեական «Տեջոն Հանա Սիթիզենի» հարձակվող Վլադիսլավ Գուտվոսկիսը։

Բացի այդ, որակազրկման պատճառով Հայաստանի հավաքականի դեմ խաղը բաց է թողնելու նաև «Գրասհոպերսի» կիսապաշտպան Քրիստերս Տոբերսը։

Հիշեցնենք, որ Երևանում կայացած խաղում Հայաստանի հավաքականտ հաղթել էր 2:1 հաշվով։

Հավելենք, որ Լատվիայի հավաքականը հոկտեմբերի 12-ին Եվրո-2024-ի որակավորման 7-րդ տուրում Ռիգայում կմրցի Հայաստանի հավաքականի դեմ, իսկ հոկտեմբերի 15-ին 8-րդ տուրում Ադանայում կհյուրընկալվի Թուրքիային։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am