Լաուտարոյի տպավորիչ բենեֆիսը! «Ինտերը» խոշոր հաշվով հաղթեց «Մոնակոյին» 🎥

Չեմպիոնների լիգայի հիմնական փուլի վերջին` 8-րդ տուրում «Ինտերը» «Ջուզեպե Մեացա» ստադիոնում մրցեց «Մոնակոյի» դեմ։

Հանդիպման հենց մեկնարկից միլանյան գրանդը տիրեց նախաձեռնությանը և 3:0 հաշվով վստահ հաղթանակ տարավ։

Հանդիպման հերոսը «ներաձուրիների» ավագ ու առաջատար Լաուտարո Մարտինեսն էր, որը խփեց իր թիմի բոլոր գոլերը` ձևակերպելով հեթ-տրիկ։

Սիմոնե Ինձզագիի գլխավորած թիմից ամբողջ հանդիպմանը մասնակցեց նաև Հայաստանի ազգային հավաքականի նախկին ավագ Հենրիխ Մխիթարյանը։

«Ինտերը» հիմնական փուլն ավարտեց 19 միավորով, գրավեց 4-րդ տեղն ու փլեյ-օֆֆ-ում հանդես կգա 1/8 եզրափակիչում։ «Մոնակոն» 13 միավորով 17-րդն է և կխաղա 1/16 եզրափակիչում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից