Իտալիան լռեցրեց Փարիզը` կամային հաղթանակ տանելով Ֆրանսիայի նկատմամբ🎥

Ազգերի լիգայի խաղարյության առաջին տուրում Իտալիայի ազգային հավաքականը A դիվիզիոնի երկրորդ խմբում Փարիզի «Պարկ դե Պրենս» ստադիոնում հյուրընկալվելիս մրցեց Ֆրանսիայի թիմի դեմ։

Հանդիպումը շոկային մեկնարկ ունեցավ, քանի որ արդեն 12-րդ վայրկյանին ֆրանսիացիներն օգտվեցին «սկաուադրա աձուրիի» պաշտպաններ Անդրեա Կամբիասիոյի ու Ջիովանի Դի Լորենցոնի անչափ անփույթ խաղից և Բրեդլի Բարկոլայի ջանքերով բացեցին հաշիվը։

Թվում էր` «եռագույնները» հեշտ հաղթանակ են տանելու, սակայն այդ սցենարի հետ համաձայն չէին Լուչիանո Սպալետիի գլխավորած հավաքականի ֆուտբոլիստները։

Իտալացիներն անչափ լուրջ դիմադրություն ցույց տվեցին մրցակցին և հետագայում երեք գնդակ ուղարկեցին Մայք Մենյանի պաշտպանած դարպասն ու 3:1 հաշվով կամային հաղթանակ տարան։

Հյուրերից աչքի ընկան Ֆեդերիկո Դիմարկոն, Դավիդե Ֆրատեզին ու Ջակոմո Ռասպադորին։

Երկրորդ խմբի մյուս խաղում Բելգիայի հավաքականը նույն` 3:1 հաշվով առավելության հասավ Իսրայելի նկատմամբ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am