Իտալական կրքեր Միլանում. Ինտերն ու Նապոլին ոչ-ոքի գրանցեցին 🎥

Իտալական Ա սերիայի 11-րդ տուրում գործող չեմպիոն «Ինտերը» Միլանում մրցեց ընթացիկ մրցաշրջանի առաջատար «Նապոլիի» դեմ։

Կողմերը համառ պայքար ծավալեցին, սակայն չպարզեցին հաղթողին ու գրանցեցին ոչ-ոքի` 1:1։

Հյուրերին 23-րդ րոպեին առաջ մղեց Սքոթ Մաքթոմինայը, իսկ «ներաձուրիներից» 43-րդ րոպեին հեռահար շքեղ հարվածով հաշիվը հավասարեցրեց Հական Չալհանօղլուն։

Թուրք ֆուտբոլիստը 74-րդ րոպեին կարող էր հաղթանակ պարգևել նաև «Ինտերին», սակայն չկարողացավ աչքի ընկնել 11-մետրանոցից. գնդակը դիպավ դարպասաձողին։

Միլանյան ակումբի մեկնարկային կազմում էր նաև Հայաստանի հավաքականի կիսապաշտպան Հենրիխ Մխիթարյանը, որը մասնակցեց ամբողջ հանդիպմանը։

«Ինտերը» վաստակեց 25 միավոր և 4-րդ տեղում է, իսկ «Նապոլին» 26 միավորով առաջնության առաջատարն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից