Իտալական կրքեր Բերգամոյում. «Նապոլին» գոլառատ խաղում հաղթեց «Ատալանտային» 🎥

Իտալիայի Ա սերիայի 21-րդ տուրի կենտրոնական խաղում «Նապոլին» Բերգամոյում հյուրընկալվելիս մրցեց «Ատալանտայի» դեմ։

Գոլառատ պայքարում նեապոլյան ակումբը կարողացավ հաղթել 3:2 հաշվով։

Խաղի հաշիվը 16-րդ րոպեին բացեց «Ատալանտայի» հարձակվող Մատեո Ռետեգին, բայց հյուրերը նախքան ընդմիջում հավասարեցրին ու առաջ անցան հաշվի մեջ. աչքի ընկան Մատեո Պոլիտանոն ու Սքոթ Մաքթոմինեյը։

55-րդ րոպեին Ադեմոլա Լուքմանը վերականգնեց հաշվի հավասարակշռությունը, սակայն 78-րդ րոպեին Ռոմելու Լուկակուն կրկին առաջ մղեց Անտոնիո Կոնտեի գլխավորած թիմին ու հաղթանակ պարգևեց։

«Նապոլին» 50 միավորով գլխավորում է մրցաշարային աղյուսակը, «Ատալանտան» 43 միավորով երրորդ տեղում է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից