Իտալական գրանդը վարձակալեց 95 մլն եվրոյով ՊՍԺ տեղափոխված Կոլո Մուանիին 📸

ՊՍժ-ի հարձակվող Ռանդալ Կոլո Մուանին ընթացիկ մրցաշրջանի մնացած հատվածը վարձավճարով կանցկացնի «Յուվենտուսում», հայտնում է թուրինյան ակումբի պաշտոնական կայքը։

Կողմերը վարձակալական պայմանագիրը կնքել են մինչև 2025 թ. հունիսի 30-ը։ Համաձայնագրի ավարտից հետո ֆրանսիացի ֆուտբոլիստը կվերադառնա փարիզյան ակումբ։ Գործարքում ներառված չէ տրանսֆերի գնման հատուկ կետ։

26-ամյա ֆուտբոլիստը նոր ակումբում կխաղա «20» համարի մարզաշապիկով։

Transfermarkt-ի համաձայն` «Յուվենտուսը» վարձակալության համար «Պարի Սեն-Ժերմենին» վճարելու է 3,6 միլիոն եվրո։

Հիշեցնենք, որ Կոլո Մուանին 2023 թ. սեպտեմբերին է Ֆրանկֆուրտի «Այնտրախտից» 95 միլիոն եվրոյով տեղափոխվել ՊՍԺ։ Նա Ֆրանսիայի չեմպիոնի կազմում 54 խաղում խփել է 11 գոլ, կատարել 7 ասիստ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից