Իտալական ակումբը ցանկանում է պայմանագիր կնքել Դավիդ դե Խեայի հետ

Իսպանացի անվանի դարպասապահ Դավիդ դե Խեան կարող է կարիերան շարունակել Իտալիայում։

Լրագրող Ջիանլուկա Դի Մարցիոյի կայքը գրում է, որ Ա սերիան ներկայացնող «Ջենոան» պատրաստ է պայմանագիր կնքել ազատ գործակալի կարգավիճակում գտնվող դարպասապահի հետ։

Ըստ աղբյուրի` Դե Խեան նախնական համաձայնություն է տվել լիգուրյան ակումբին։

«Ռոսոբլուն» ակումբի հիմնական դարպասապահ Խոսեպ Մարտինեսի «Ինտեր» տեղափոխվելուց հետո փնտրում է այնպիսի փոխարինողի, որը ոտքով լավ է խաղում։ 33-ամյա Դե Խեան «Ջենոայի» գլխավոր թեկնածուն է։

Հիշեցնենք, որ իսպանացի դարպասապահը 2023 թ. հուլիսից ազատ գործակալի կարգավիճակում է։ Նա 2011-2023 թթ. հանդես է եկել «Մանչեսթեր Յունայթեդում»` 545 խաղում 190 անգամ դարպասը պահելով անառիկ։

Դե Խեան 2012-2021 թթ. հրավիրվել է նաև Իսպանիայի ազգային հավաքական, որի կազմում դաշտ է դուրս եկել 45 անգամ ու անցկացրել 21 «չոր» խաղ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am