Իսպանիայի գավաթ. 3-րդ լիգայի հետնապահը սենսացիոն հաղթանակ է տարել 🎥

Իսպանիայի գավաթի խաղարկության 1/64 եզրափակիչում երկրի երրորդ լիգան` Սեգունդա Բ-ն ներկայացնող «Օրենսեն» սեփական դաշտում 4:2 հաշվով սենսացիոն հաղոանակ է տարել Լա լիգայում հանդես եկող «Ռեալ Օվիեդոյի» նկատմամբ։

Հյուրերից հաշիվը 17-րդ րոպեին բացել է Յոսիպ Բրեկալոն, որին գալիսիական ակումբը պատասխանել է 53-րդ րոպեին Յերին Ռամոսի խփած գոլով։

61-րդ րոպեին Լուկա Իլիչը կրկին առաջ է մղել «Ռեալ Օվիեդոյին»։ Երբ թվում էր, թե Լուիս Կարիոնի գլխավորած թիմը կհաղթի ու կշարունակի պայքարը, 90+4-րդ րոպեին Այման Ջելբատը խփել է «Օրենսեի» երկրորդ պատասխան գոլը` խաղը տեղափոխվելով լրացուցիչ ժամանակ։

Լրացուցիչ ժամանակում Օմար Ուհդադիի ու Ամին Բուսայգի գոլերի շնորհիվ տանտերերը կարողացել են դնել հանդիպման վերջակետը` տանելով սենսացիոն հաղթանակ։

Նշենք, որ «Օրենսեն» շատ անհաջող է մեկնարկել 2025/26 մրցաշրջանում և Սեգունդա Բ-ի 9 խաղում ոչ մի հաղթանակ չի տարել` 5 միավորով զբաղեցնելով վերջին` 20-րդ տեղը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

📺 𝗥𝗘𝗦𝗨𝗠𝗘𝗡 #CopadelReyMAPFRE

🆚 @Ourense_CF | 4-2 | @RealOviedo

⚽ 0-1 | Brekalo (17’)
⚽ 1-1 | Jerín (53’)
⚽ 1-2 | Ilić (61’)
⚽ 2-2 | Jelbat (90’+4)
⚽ 3-2 | Omar Ouhdadi (98’)
⚽ 4-2 | Amin (114’)#LaCopaMola 🏆 | Primera eliminatoria pic.twitter.com/0vUcxuL3kE

— RFEF (@rfef) October 28, 2025