Իսպանիայի գավաթ. «Բարսելոնան» ջախջախիչ հաղթանակով դուրս եկավ 1/8 եզրափակիչ 🎥

Իսպանիայի գավաթի խաղարկության 1/16 եզրափակիչում «Բարսելոնան» արտագնա խաղում մրցեց 4-րդ դիվիզիոնը ներկայացնող «Բարբաստրոյի» դեմ։

«Բլաուգրանան» ամբողջ հանդիպման ընթացքում ուներ տոտալ առավելություն և մրցակցին ջախջախեց 4:0 հաշվով։

Հանսի Ֆլիկի գլխավորած թիմից դուբլի հեղինակ դարձավ Ռոբերտ Լևանդովսկին, մեկական գոլ էլ խփեցին Էրիկ Գարսիան ու Պաբլո Տոռեն։

21-ամյա Պաբլո Տոռեն նաև երկու գոլային փոխանցում կատարեց` օգնելով աչքի ընկնել Լևանդովսկիին։

Նշենք` «Բարսելոնայի» կազմում նորամուտը նշեց լեհ անվանի դարպասապան Վոյցեխ Շյեսնին, որը նախորդ տարվա հոկտեմբերին է պայմանագիր կնքել կատալոնական ակումբի հետ։

Այսպիսով, «Բարսելոնան» պայքարը կշարունակի Իսպանիայի գավաթի 1/8 եզրափակիչում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից