Իսկոն հերոսանում է` 90+4-րդ րոպեին հաղթանակ պարգևելով Բետիսին Օսասունայի դեմ խաղում🎥
30/10/2023 - 00:50
Իսպանական Լա լիգայի 11-րդ տուրում «Բետիսը» «Բենիտո Վիլյամարին» մարզադաշտում մրցեց «Օսասունայի» դեմ։
Բարդ ընթացք ստացած խաղում անդալուսական ակումբը հաղթեց 2:1 հաշվով։
Հանդիպման հերոս դարձավ Իսկոն` 90+4-րդ րոպեին հաղթանակ պարգևելով իր թիմին։
Մանուել Պելեգրինիի թիմից մեկ գոլ էլ խփեց Վիլիան Ժոզեն, իսկ Պամլոնայից ժամանած հյուրերի կազմից աչքի ընկավ Ռուբեն Գարսաին։
Այս հաղթանակից հետո «Բետիսը» վաստակեց 17 միավոր և զբաղեցնում է 8-րդ հորիզոնականը։
«Օսասունան», 13 միավորով, 11-րդն է։