Իսլանդիան քարը քարի վրա չթողեց Լիխտենշտեյնին` ջախջախելով մրցակցին🎥

Եվրո-2024-ի որակավորման փուլի 2-րդ տուրում Իսլանդիայի հավաքականը J խմբի շրջանակում հյուրընկալվելիս մրցեց Լիխտենշտեյնի դեմ։

«Վիկինգները» պարզապես փայլուն հանդիպում անցկացրին` մրցակցին ջախջախելով 7:0 հաշվով։

Արնար Վիդարսոնի թիմի կազմից հեթ-տրիկի հեղինակ դարձավ Արոն Գունարսոնը, մեկական անգամ էլ աչքի ընկան Դավիդ Քրիստիաուն Օլաֆսոնը, Հակոն Արնար Հարալդսոնը, Անդրի Գուդյոնսենը և Միքայել Էգիլ Էլերտսոնը։

Այս հաղթանակից հետո Իսլանդիան J խմբում վաստակեց 3 միավոր և բարձրացավ 3-րդ հորիզոնական։

Լիխտենշտեյնն իր ակտիվում դեռևս միավոր չունի և եզրափակում է մրցաշարային աղյուսակը։

Նշենք, որ այս խմբում կկայանա ևս երկու հանդիպում.

Լյուքսեմբուրգ – Պորտուգալիա

Սլովակիա – Բոսնիա և Հերցեգովինա

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am