Ինտեր Մայամիի ֆիասկոն! Մեսին և ընկերները դուրս մնացին ՄԼՍ-ի ֆլեյ-օֆֆ-ից 🎥

ՄԼՍ-ի փլեյ-օֆֆ-ի 1/8 եզրափակիչի երրորդ խաղում կանոնավոր առաջնության չեմպիոն «Ինտեր Մայամին» սեփական դաշտում մրցել է «Ատլանտա Յունայթեդի» դեմ։

Առաջ ընկնելով` նշենք, որ գերխոշոր անակնկալ է գրանցվել. «Ատլանտան» հաղթել է 3:2 հաշվով ու պայքարից դուրս թողել «Ինտեր Մայամիին»։

Հյուրերից դուբլ է գրանցել Ջամալ Թիարեն, մեկ գոլ էլ խփել է Բարտոշ Սլիշը։ «Ինտեր Մայամիից» աչքի են ընկել Մաթիաս Ռոխասն ու «Ոսկե գնդակի» 8-ակի դափնեկիր Լիոնել Մեսին։

Հանդիպման հերոսներից էր նաև «Ատլանտայի» 40-ամյա դարպասապահ Բրեդ Գուզանը, որը կատարեց 8 սեյվ։

Այսպիսով, Մեսին և ընկերները դուրս են մնացել հետագա պայքարից, իսկ «Ատլանտան» դուրս է եկել քառորդ եզրափակիչ, որտեղ մցրելու է «Օռլանդո Սիթիի» դեմ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից