«Ինտերը» ֆանտաստիկ խաղում թրիլերային հաղթանակ կորզեց «Յուվենտուսից» 🎥

Իտալիայի Ա սերիայի 25-րդ տուրում «Ինտերը» «Ջուզեպե Մեացա» ստադիոնում 3:2 հաշվով թրիլերային հաղթանակ կորզեց «Յուվենտուսից»։

«Ներաձուրին» 17-րդ րոպեին` Անդրեա Կամբիասոյի ինքնագոլից հետո, բացեց հաշիվը։

Իտալացի պաշտպանը 26-րդ րոպեին ուղղեց իր սխալն ու գրավեց արդեն մրցակցի դարպասը` վերականգնելով հաշվի հավասարակշռությունը։

Առաջին խաղակեսի վերջնամասում` 42-րդ րոպեին, թուրինյան գրանդը մնաց 10 ֆուտբոլիստով. երկրորդ դեղին քարտն ստացավ ու դաշտից հեռացվեց Պիեր Կալուլուն։

Երկրորդ խաղակեսում խաղային մեծ առավելություն ունեցող «Ինտերը» 76-րդ րոպեին Ֆրանչեսկո Պիո Էսպոզիտոյի ջանքերով նորից առաջ անցավ հաշվի մեջ։

«Բիանկոներին» նույնիսկ 10 ֆուտբոլիստով 83-րդ րոպեին կարողացավ հավասարեցնել հաշիվը. գոլով աչքի ընկավ թիմի ավագ Մանուել Լոկատելին։

Թվում էր, թե կողմերը գոլառատ ոչ-ոքի կգրանցեն, բայց քանակական առավելություն ունեցող Քրիստիան Կիվուի գլխավորած թիմը 90-րդ րոպեին, ի վերջո, հաղթանակ կորզեց։

Միլանյան գրանդից հանդիպմանը հայտավորված էր Հայաստանի ազգային հավաքականի նախկին կիսապաշտպան Հենրիխ Մխիթարյանը, որը խաղաժամանակ չստացավ։

«Ինտերը» 61 միավորով առաջին տեղում է, «Յուվենտուսը»` 46 միավորով 5-րդ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml