«Ինտերը» ծանր պայքարում հաղթեց «Ռոմային»` գլխավորելով մրցաշարային աղյուսակը 🎥

Իտալիայի Ա սերիայի 7-րդ տուրում «Ինտերը» Հռոմի «Օլիմպիկո» ստադիոնում 1:0 հաշվով հաղթեց «Ռոմային»։

«Ներաձուրիի» հաղթական գոլը 6-րդ րոպեին խփեց Անժ-Յոան Բոնին։

Հանդիպման հերոս դարձավ միլանյան գրանդի դարպասապահ Յան Զոմերը` կատարելով 5 սեյվ։

Քրիստիան Կիվուի գլխավորած թիմից ամբողջ հանդիպմանը մասնակցեց Հայաստանի ազգային հավաքականի նախկին կիսապաշտպան Հենրիխ Մխիթարյանը` 74-րդ րոպեին զգուշացվելով դեղին քարտով։

«Ինտերը» 15 միավորով գլխավորեց մրցաշարային աղյուսակը։ Նույնքան միավոր ունեն նաև գործող չեմպիոն «Նապոլին» և «Ռոման», որոնք զբաղեցնում են համապատասխանաբար երկրորդ ու երրորդ տեղերը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am