Ինտերը խոշոր հաշվով հաղթեց Կալյարիին` գլխավորելով մրցաշարային աղյուսակը 🎥

Իտալիական Ա սերիայի 18-րդ տուրում գործող չեմպիոն «Ինտերը» մրցակցի դաշտում մրցեց «Կալյարիի» դեմ։

«Ներաձուրիներն» ամբողջ հանդիպման ընթացքում ունեին խաղային լուրջ առավելություն` հաղթելով 3:0 հաշվով։

Սիմոնե Ինձզագիի գլխավորած թիմից մեկական անգամ աչքի ընկան Ալեսանդրո Բաստոնին, Լաուտարո Մարտինեսն ու Հական Չալհանօղլուն։ Միլանյան գրանդը բոլոր գնդակները մրցակցի դարպասն ուղարկեց երկրորդ խաղակեսում։

«Ինտերի» մեկնարկային կազմում էր նաև Հայաստանի ազգային հավաքականի նախկին կիսապաշտպան Հենրիխ Մխիթարյանը, որը փոխարինվեց 80-րդ րոպեին։

«Ինտերը» վաստակեց 40 միավոր և գլխավորեց մրցաշարային աղյուսակը։ Նույնքան միավոր ունի նաև երկրորդ տեղ նահանջած «Ատալանտան», որն ընթացիկ տուրում դեռ չի անցկացրել իր հանդիպումը և հյուրընկալվելիս հանդիպելու է «Լացիոյին»։ «Կալյարին» 14 միավորով 18-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից