«Ինտերը» թանկարժեք միավորներ կորցրեց` բաց թողնելով երկու գնդակի առավելությունը «Պարմայի» դեմ խաղում 🎥

Իտալիայի Ա սերիայի 31-րդ տուրում «Ինտերը» հյուրընկալվելիս մրցեց «Պարմայի» դեմ։

Միլանյան գրանդը 15-րդ ու 45-րդ րոպեներին Մատեո Դարմիանի ու Մարկուս Թյուրամի խփած գոլերի շնորհիվ հաղթում էր 2:0 հաշվով։

Թյուրամին գոլային փոխանցում կատարեց Հայաստանի ազգային հավաքականի նախկին կիսապաշտպան Հենրիխ Մխիթարյանը, որը մասնակցեց ամբողջ հանդիպմանը։

Թվում էր, թե Սիմոնե Ինձզագիի գլխավորած թիմը հերթական հեշտ հաղթանակը կտանի, սակայն տանտերերը երկրորդ խաղակեսում շատ արագ ոչ միայն կրճատեց, այլև հավասարեցրեց հաշիվը. 60-րդ րոպեին դարպասի գրավմամբ աչքի ընկավ Ադրիան Բեռնաբեն, իսկ 69-րդ րոպեին` Յակոբ Օնդրեյկան։

Այսպիսով, գոլառատ խաղում հաղթող չեղավ` 2:2։ «Ինտերը» 68 միավորով մրցաշարային աղյուսակի առաջատարն է։ «Պարման» 27 միավոր ունի և 16-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից