Ինսինյեն վնասվածքի պատճառով չի խաղա Հայաստանի հավաքականի դեմ

«Նապոլիի» հարձակվող Լորենցո Ինսինյեն մկանային վնասվածքի պատճառով հեռացել է Իտալիայի հավաքականի մարզաբազայից:

28-ամյա ֆուտբոլիստն այս վնասվածքը ստացել էր «Յուվենտուսի» հետ հանդիպման ժամանակ (3:4):

Ինչպես հայտնում է Football Italia-ն, վերջինիս փոխարեն հավաքական է հրավիրվել «Ֆրայբուրգի» կիսապաշտպան Վինչենցիո Գրիֆոն:

Հիշեցնենք, որ սեպտեմբերի 5-ին ԵՎՐՈ-2020-ի որակավորման փուլի շրջանակում Իտալիայի հավաքականը Երևանում կմրցի Հայաստանի հավաքականի հետ, իսկ սեպտեմբերի 8-ին՝ Ֆինլանդիայի ընտրանու հետ: