Ժոաու Ֆելիքս. Ես կցանկանայի դառնալ նոր Կրիշտիանու
31/07/2019 - 18:11
«Աթլետիկոյի» հարձակվող Ժոաու Ֆելիքսը կարծիք է հայտնել իր հայրենակից Կրիշտիանու Ռոնալդուի մասին և բացատրել է, թե ինչու է որոշել տեղափոխվել մադրիդյան ակումբ:
«Կրիշտիանուն նվաճել է 5 «Ոսկե գնդակ»: Դա ցանկացած խաղացողի երազանքն է: Ես կցանկանայի դառնալ նոր Կրիշտիանու:
Ես հետևում էի այն խաղացողներին, ովքեր հանդես էին գալիս «Աթլետիկոյում»: Այստեղ հանդես են եկել հիանալի հարձակվողներ և ես ցանկանում եմ լինել նրանցից մեկը: Հենց այդ պատճառով եմ ես տեղափոխվել այս ակումբ:»,- Ֆելիքսի խոսքերն է մեջբերում ESPN-ը: