Թրիլլեր «Սան Սիրոյում». Միլանն ու Բոլոնիան չպարզեցին հաղթողին🎥

Իտալական Ա սերիայի 22-րդ տուրում «Միլանը» «Սան Սիրո» մարզադաշտում մրցեց «Բոլոնիայի» դեմ։

Հանդիպումն անցավ անչափ համառ, թրիլլերային և գոլառատ պայքարում, որն ավարտվեց 2:2 հաշիվով։

«Ռոսոներիների» կազմից դուբլի հեղինակ դարձավ Ռուբեն Լոֆթուս-Չիկը, իսկ Տիագո Մոտայի թիմից աչքի ընկան Ժոշոա Զրիկզեեն և Ռիկարդո Օրսոլինին։

Նշենք, որ հանդիպման ընթացքում տանտերերը երկու անգամ չկարողացան աչքի ընկնել 11-մետրանոցից. նշակետից վրիպեց նախ Օլիվիե Ժիրուն, ապա` Թեո Էրնանդեսը։

Հատկանշական է, որ Էրնանդեսի հարվածի դրվագում գնդակը դիպավ դարպասաձողին, ինչից հետո ֆրանսիացի ֆուտբոլիստը գրավեց դարպասը, սակայն այն չեղարկվեց։

Ըստ օրենքի` դարպասաձողից անդրադարձած գնդակին հարվածող ֆուտբոլիստն իրավունք չունի կրկին դիպչել, ինչից հետո արձանագրվում է խաղից դուրս իրավիճակ։

Այս ոչ-ոքիից հետո «Միլանը» վաստակեց 46 միավոր և զբաղեցնում է 3-րդ հորիզոնականը։

«Բոլոնիան», 33 միավորով, 7-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am