Թրիլլեր Աստանայում. Ղազախստանը ֆանտաստիկ comeback արեց Դանիայի դեմ խաղում🎥

Թրիլլեր Աստանայում. Ղազախստանը ֆանտաստիկ comeback արեց Դանիայի դեմ խաղում🎥

26/03/2023 - 19:14

Եվրո-2024-ի որակավորման փուլի 2-րդ տուրում Ղազախստանի հավաքականը H խմբի շրջանակում Աստանայում մրցեց Դանիայի դեմ։

Ինչպես սպասվում էր, հանդիպումը մեկնարկեց և ընթանում էր դանիացիների խաղային լուրջ առավելության պայմաններում, ովքեր նախքան ընդմիջում երկու գնդակի առավելություն ստացան մրցակցի նկատմամբ։

Կասպեր Հյուլմանի թիմի կազմից դուբլի հեղինակ դարձավ Ռասմուս Հոյլունդը։

Նշենք, որ 20-ամյա ֆուտբոլիստը հավաքականի կազմում անցկացրած վերջին երկու խաղերում խփել է արդեն 5 գոլ։

Երկրորդ խաղակեսում ամեն ինչ գլխիվայր շուռ եկավ։ Ղազախները բեկեցին հանդիպման ընթացքն ու կարողացան ֆանտաստիկ comeback անել` կորզելով հաղթանակ։

Տանտերերի կազմից մեկեկան անգամ աչքի ընկան Բախթիյար Զայնութդինովը, Ասխաթ Տագիբերգերնն ու Աբաթ Այմբետովը։

Նշենք, որ վերջին երկու գոլերը Մագոմեդ Ադիևի թիմը խփեց 86-րդ ու 89-րդ րոպեներին։

Այսպսիով, Ղազախստանը հաղթեց 3:2 հաշվով, ինչից հետո H խմբում վաստակեց առաջին 3 միավորը և զբաղեցնում է 4-րդ հորիզոնականը։

Դանիան նույնպես ունի 3 միավոր և 2-րդն է։

2-րդ տուրում այս խմբի շրջանակում կկայանա ևս երկու հանդիպում.

Սլովենիա – Սան Մարինո

Հյուսիսային Իռլանդիա – Ֆինլանդիա

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023