Թրիլեր Լոնդոնում! Չելսին ֆանտաստիկ comeback արեց Տոտենհեմի դեմ խաղում 🎥

Անգլիական Պրեմիեր լիգայի 15-րդ տուրում «Չելսին» լոնդոնյան դերբիում հյուրընկալվելիս մրցեց «Տոտենհեմի» դեմ։

Հանդիպումը պարզապես շոկային մեկնարկ ունեցավ, քանի որ արդեն 11-րդ րոպեին տանտերերը երկու գնդակի առավելություն ստացան. աչքի ընկան Դոմինիկ Սոլանկեն ու Դեյան Կուլուսևսկին։ Երկու դեպքում էլ «ազնվականների» կազմից արդյունավետ սխալ թույլ տվեց իսպանացի պաշտպան Մարկ Կուկուրելիան։

Թվում էր, թե «խթանները» հեշտ հաղթանակ կտանեն, բայց այդ սցենարի հետ համաձայն չէին Էնցո Մարեսկայի գլխավորած թիմի ֆուտբոլիստները, որոնք կարողացան ֆանտաստիկ comeback անել ու հաղթել 4:3 հաշվով։

«Չելսիից» դուբլի հեղինակ դարձավ Քոուլ Պալմերը, մեկական գոլ էլ խփեցին Ջեյդոն Սանչոն ու Էնցո Ֆերնանդեսը։

90+7-րդ րոպեին «Տոտենհեմը» Հին Մին Սոնի գոլի շնորհիվ միայն կրճատեց հաշիվը։

«Թոշակառուները» միավորների քանակը հասցրին 31-ի և բարձրացան երկրորդ տեղ, «Տոտենհեմը» 20 միավորով 11-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից