Թրիլեր Էր Ռիյադում! Միլանը ֆանտաստիկ comeback արեց Ինտերի դեմ խաղում` դառնալով Իտալիայի Սուպերգավաթակիր 🎥

Իտալիայի Սուպերգավաթի խաղում Սաուդյան Արաբիայի մայրաքաղաք Էր Ռիյադում միմյանց դեմ մրցեցին «Միլանն» ու «Ինտերը»։

Թրիլերային խաղում «ռոսոներիները» ֆանտաստիկ comeback արեցին և 90+3-րդ րոպեին հաղթանակ կորզեցին։

«Ներաձուրիները» Լաուտարո Մարտինեսի ու Մեհդի Թարեմիի խփած գոլերի շնորհիվ մինչև 52-րդ րոպեն հաղթում էին 2:0 հաշվով, սակայն Սերժիու Կոնսեյսաուի սաները կարողացան կամային որակներ գտնել ու բեկել հանդիպման ընթացքը։

Նախ 52-րդ րոպեին տուգանայինից կատարած հարվածով առաջին պատասխան գոլը խփեց Թեո Էրնանդեսը, ապա 80-րդ րոպեին հաշիվը հավասարեցրեց Քրիստիան Պուլիշիչը, իսկ հաղթական գնդակը 90+3-րդ րոպեին մրցակցի դարպասն ուղարկեց Թեմի Աբրահամը։

Այսպիսով, «Միլանը» հերոսական հաղթանակ տարավ և պատմության մեջ 8-րդ անգավ դարձավ Իտալիայի Սուպերգավաթակիր։

Նշենք, որ «Ինտերի» մեկնարկային կազմում էր նաև Հայաստանի ազգային հավաքականի նախկին կիսապաշտպան Հենրիխ Մխիթարյանը։ 35-ամյա ֆուտբոլիստը փոխարինվեց 65-րդ րոպեին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից