Թրիլեր Անդալուզիայում. «Բարսան» ձախողվեց` խոշոր հաշվով պարտվելով «Սևիլիային» 🎥
Թրիլեր Անդալուզիայում. «Բարսան» ձախողվեց` խոշոր հաշվով պարտվելով «Սևիլիային» 🎥
05/10/2025 - 20:23

Իսպանիայի Լա լիգայի 8-րդ տուրում «Բարսելոնան» Անդալուզիայում` «Ռամոն Սանչես Պիսխուան» ստադիոնում 1:4 հաշվով պարտվեց «Սևիլիային»։

Տանտերերից հաշիվը 13-րդ րոպեին 11-մետրանոցից բացեց «Բարսելոնայի» նախկին ֆուտբոլիստ, 36-ամյա չիլիացի անվանի հարձակվող Ալեքսիս Սանչեսը։

«Սևիլիայի» առավելությունը 36-րդ րոպեին կրկնապատկեց Իսակ Ռոմերոն։ Նախքան ընդմիջում` 45-7-րդ րոպեին, «բլաուգրանայից» հաշիվը կրճատեց Մարկուս Ռեշֆորդը։

Երկրորդ խաղակեսում Հանսի Ֆլիկի գլխավորած թիմն ուներ խաղային ու տարածքային լուրջ առավելություն, ստեղծեց բազմաթիվ գոլային պահեր, բայց չկարողացավ խփել երկրորդ պատասխան գոլը։

76-րդ րոպեին կատալոնական ակումբից հաշիվը կարող էր հավասարեցնել Ռոբերտ Լևանդովսկին, սակայն չկարողացավ աչքի ընկնել 11-մետրանոցից։

Փոխարենը 90-րդ րոպեին Խոսե Անխել Կարմոնան խփեց «Սևիլիայի» երրորդ գոլը, իսկ 90+6-ին Ակոր Ադամսը դրեց հանդիպման վերջակետը։

«Բարսան» Լա լիգայի 2025/26 մրցաշրջանում առաջին պարտությունը կրեց, 19 միավորով նահանջեց երկրորդ տեղ` առաջատարությունը զիջելով Մադրիդի «Ռեալին»։ «Արքայական» ակումբն ունի 21 միավոր։

«Սևիլիան» 13 միավորով բարձրացավ չորրորդ տեղ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2025