Թուրքիան նվաճեց Եվրո-2024-ի ուղեգիր` ջախջախելով Լատվիային 🎥
16/10/2023 - 09:15
Եվրո-2024-ի որակավորման փուլի 8-րդ տուրում Թուրքիայի հավաքականը D խմբի շրջանակում սեփական հարկի տակ մրցեց Լատվիայի ընտրանու դեմ։
Հանդիպման մեծ մասում տանտերերն ունեին տոտալ առավելություն և գոլազուրկ առաջին կեսից հետո մրցակցի դարպասը չորս անպատասխան գնդակ ուղարկեցին։
Վինչենցո Մոնտելայի թիմից դուբլի հեղինակ դարձավ Ջենկ Թոսունը, մեկական գոլ էլ խփեցին Յունուս Ակգյունը և Կերեմ Ակթյուրքօղլուն։
Այս խմբում կայացել է ևս մեկ հանդիպում.
Ուելս 2:1 Խորվաթիա
D խմբի մրցաշարային աղյուսակը 8-րդ տուրից հետո ունի հետևյալ տեսքը.
- Թուրքիա (անցկացրած 7 խաղ) – 16 միավոր
- Ուելս (անցկացրած 6 խաղ) – 10
- Խորվաթիա (անցկացրած 6 խաղ) – 10
- Հայաստան (անցկացրած 6 խաղ) – 7
- Լատվիա (անցկացրած 7 խաղ) – 3
Այսպիսով, Թուրքիայի հավաքականը նվաճեց Եվրո-2024-ի խմբային փուլի ուղեգիր։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am