«Էվերթոնի» ֆուտբոլիստն իր խաղընկերոջը հարվածելու համար կարմի քարտ է ստացել 🎥

Անգլիայի Պրեմիեր լիգայի 12-րդ տուրի վերջին խաղում «Էվերթոնը» «Օլդ Թրաֆորդ» ստադիոնում 1:0 հաշվով անսպասելի հաղթանակ է տարել «Մանչեսթեր Յունայթեդի» նկատմամբ։

Մերսիսայդյան ակումբից 13-րդ րոպեին կարմիր քարտ է ստացել Իդրիսա Գեյեն։ Սենեգալցի ֆուտբոլիստը դաշտից հեռացվել է ոչ սպորտային պահվածքի համար։ Նա հարվածել էր իր խաղընկեր Մայքլ Քինին։

Դրվագներից մեկում կողմերն անհամաձայնություն են ունեցել, ինչից հետո Գեյեն հարձակվել ու հարվածել է Քինին։ Նրան փորձել է հանգստացնել «Էվերթոնի» դարպասապահ Ջորդան Պիկֆորդը, բայց գլխավոր մրցավար Թոնի Հարինգթոնը Գեյեին պատժել է կարմիր քարտով։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml