Էնդրիկը կազմել է իր կատարյալ ֆուտբոլիստին
Բրազիլական «Պալմեյրասի» հարձակվող Էնդրիկը ESPN-ի հետ զրույցում կազմել է իր կատարյալ ֆուտբոլիստին։
Ըստ Էնդրիկի` կատարյալ ֆուտբոլիստը պետք է ունենա Կիլիան Մբապեի արագությունը, Կրիշտիանու Ռոնալդուի ուժը, Լուկա Մոդրիչի ինտելեկտը, Ջուդ Բելինգհեմի դիմացկունությունը, Վինիսիուսի դրիբլինգը, Էնդրիկի եզրափակումը, Տոնի Կրոսի փոխանցումը և Աբել Ֆերեյրայի բնավորությունը։
Նշենք, որ Աբել Ֆերեյրան «Պալմեյրասի» գլխավոր մարզիչն է։
Հավելենք, որ Էնդրիկը «Պալմեյրասի» կազմում 2023 թ. բոլոր մրցաշարերի շրջանակում անցկացրել է 53 հանդիպում` դառնալով 14 գոլի և 1 գոլային փոխանցման հեղինակ։
Հիշեցնենք, որ 17-ամյա հարձակվողը 2024 թ. հուլիսին համալրելու է «Ռեալ Մադրիդի» շարքերը։ «Արքայական» ակումբը գործարքի դիմաց վճարել է 37,5 մլն եվրո։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
# Աբել Ֆերեյրա, Էնդրիկ, Լուկա Մոդրիչ, Կիլիան-Մբապե, Կրիշտիանու-Ռոնալդու, Պալմեյրաս, Ջուդ Բելինգհեմ, Ռեալ Մադրիդ, Վինիսիուս, Տոնի-Կրոս, տրանսֆերներ