Էդերսոնն ԱՊԼ-ում կրկնել է դարպասապահների ասիստների ռեկորդը 🎥 📸
Անգլիայի Պրեմիեր լիգայի 23-րդ տուրում «Մանչեսթեր Սիթին» ընդունել է «Չելսիին» և հաղթել 3:1 հաշվով։
Գործող չեմպիոնի երրորդ գոլը խփել է Էրլինգ Հոլանդը, որն աչքի է ընկել ակումբի դարպասապահ Էդերսոնի փոխանցումից հետո։
Պրեմիեր լիգայի մամուլի ծառայությունը գրում է, որ բրազիլացի դարպասապահն առաջնությունում 5-րդ ասիստն է կատարել և կրկնել Փոլ Ռոբինսոնի («Բլեքբեռն», «Տոտենհեմ», «Լիդս» և «Բարնլի) ռեկորդը։
Այժմ Էդերսոնն ու Ռոբինսոնը Պրեմիեր լիգայի պատմության մեջ ամենաշատ գոլային փոխանցում կատարած դարպասապահներն են։
Այդ ցուցանիշով նրանց հաջորդում են Դևիդ Սիմենը («Արսենալ», «Մանչեսթեր Սիթի») և Պեպե Ռեյնան («Լիվերպուլ»), որոնք 4-ական ասիստ են կատարել։
3-ական ասիստ ունեն Պետեր Շմեյխելը, Յուսի Յասկելայնենը, Մարկ Քրոսլին, Ալիսոն Բեկերն ու Թիմ Հովարդը։
Հավելենք, որ Էդերսոնը «Մանչեսթեր Սիթի» է տեղափոխվել 2017 թ. հուլիսին, 354 խաղում դարպասը 160 անգամ պահել անառիկ։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից
# Ալիսոն Բեկեր, ԱՊԼ, Դևիդ Սիմեն, Էդերսոն, Թիմ Հովարդ, Մանչեսթեր-Սիթի, Մարկ Քրոսլի, Յուսի Յասկելայնեն, Պեպե Ռեյնա, Փոլ Ռոբինսոն