Աղբյուր․ «Զիդանին կարող է փոխարինել Գալյարդոն»

Իսպանիայի գավաթի 1/16 տուրում «Ռեալի» սենսացիոն պարտությունից հետո «սերուցքայինների» գլխավոր մարզիչ Զինեդին Զիդանը կարող է հեռացվել զբաղեցրած պաշտոնից։

Ինչպես տեղեկացնում է ESPN Argentina-ն, ֆրանսիացի մասնագետին այդ պաշտոնում կարող է փոխարինել Մարսելո Գալյարդոն, ով այս պահին «Ռիվեր Փլեյթի» գլխավոր մարզիչն է։

Նշվում է, որ «արքայական» ակումբի նախագահ Ֆլորենտինո Պերեսը հենց արգենտինացուն է ցանկանում տեսնել «Ռեալի» ղեկին։

«Ռիվեր Փլեյթի» ղեկին 45-ամյա արգենտինացին երկու անգամ հաղթել է Լիբերտադորեսի գավաթի խաղարկությունում, երեք անգամ տիրացել է Արգենտնայի գավաթին։

Ի թիվս այլ նվաճումների՝ Գալյարդոն երկու անգամ ճանաչվել է Հարավային Ամերիկայի լավագույն մարզիչ։