Եվրո-2028-ի ժամանակացույցն ու մրցաշարն ընդունող ստադիոնները 📸
ՈՒԵՖԱ-ի պաշտոնական կայքում հրապարակվել են Եվրոպայի 2028թ. առաջնության ժամանակացույցը և մրցաշարն ընդունող ստադիոնները։
Մրցաշարը պատմության մեջ առաջին անգամ կանցկացվի միանգամից չորս երկրում` Անգլիայում, Շոտլանդիայում, Ուելսում և Իռլանդիայում։
Եվրո-2028-ի հանդիպումներ կընդունեն 8 քաղաքների 9 ստադիոններ.
- Քարդիֆ (Ուելս) – «Ազգային»
- Դուբլին (Իռլանդիա) – «Դուբլին Արենա»
- Գլազգո (Շոտլանդիա) – «Հեմփդեն Պարկ»
- Նյուքասլ (Անգլիա) – «Սեյնթ Ջեյմս Պարկ»
- Մանչեսթեր (Անգլիա) – «Մանչեսթեր Սիթի Սթեդիում»
- Լիվերպուլ (Անգլիա) – «Էվերթոն Սթեդիում»
- Բիրմինգհեմ (Անգլիա) – «Վիլա Պարկ»
- Լոնդոն (Անգլիա) – «Տոտենհեմ Հոթսփուր Սթեդիում»
- Լոնդոն – «Ուեմբլի»
Յուրքանչյուր քաղաք կընդունի նվազագույնը երկու խմբի հանդիպումներ, որպեսզի տեղի երկրպագուներն ավելի շատ հավաքականներ տեսնելու հնարավորություն ունենան։
Մրցաշարը կմեկնարկի 2028թ. հունիսի 9-ին։ Բացման հանդիպումը կկայանա Քարդիֆում` ընդունելով A խմբի հանդիպում։
1/8 եզրափակիչի հանդիպումներ կկայանան նախատեսված 9 ստադիոններից 8-ում` բացառությամբ «Ումեբլիի»։
Քառորդ եզրափակիչները կկայանան մրցաշարի կազմակերպիչ չորս ասոցիացիաների գլխավոր ստադիոններում` «Դուբլին Արենայում», «Հեմփդեն Պարկում», «Ազգային» և «Ուեմբլիում»։
Եվրո-2028-ի վճռորոշ երեք հանդիպումները` կիսաեզրափակիչները և եզրափակիչը կկայանան Լոնդոնի «Ուեմբլի» ստադիոնում։ Խաղերը նախատեսված են համապատասխանաբար հուլիսի 4-5-ին և ամսի 9-ին։
Մրցաշարի ձևաչափը չի փոխվի, որին կմասնակցեն 24 հավաքականներ։ 6 խմեբրի առաջին երկու տեղերը զբաղեցրած մասնակիցները դուրս կգան 1/8 եզրափակիչ։ Պայքարը կշարունակեն նաև երրորդ տեղի լավագույն չորս հավաքականները։
Եվրո-2028-ն ընդունող երկրները նույնպես կմասնակցեն որակավորման փուլին։
Մրցաշարի հանդիպումների համար սահմանվել է մեկնարկի երեք ժամ` Երևանի ժամանակով 17:00, 20:00 և 23:00։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
# Եվրո-2028, ՈւԵՖԱ